金田家 (已結業)

食晏时间黎落雨...本身谂住行返去上环食某拉面，行过突然见到上环新开左金田家，由于落住雨唔想再行，所以决定就响门口等一等。入边坐到满座，我地又人多，所以都要等左十分钟左右先有得坐。下午时段，我地系就咁拎住剔剔纸点菜。未入座之前，大家就响门口叫定嘢，我叫左柚子辛辣拉面同加左一只流心蛋。入座后都大概等左十分钟个面先到 (客比较多)，一试个汤...唔，唔系好够热㖞，立时打个折扣，至于只流心蛋普普通通，都几好食。再食埋个面，一夹起，即刻出烟，哦，咁样扬扬个拉面啲汤就热返喇，又加返分比佢，个柚子味唔太重，搅均啲辣酱一齐食 / 饮亦啱啱好，面质拣左软身亦到做得到；叉烧几大块；总括而言，系好食嘅。至于有冇咩特色就见仁见智，不过好食嘅拉面最好都系做好基本先，做得好先来玩花样。汤、面、配菜等夹埋水准都唔错，另外重要嘅系佢唔算好油，起码食完唔会肚痛 (系赞赏嚟) ，所以系可以再食嘅。