三木日本料理 (已結業)

 尖沙咀放题平日食唔少，近嚟想试新嘢，见到网上有介绍话唔错，又近近地，于是去咗三木。食放题一定要食三文鱼，定律嚟！在我眼中，所谓好嘅三文鱼，一定要唔腥，一腥就会破坏口感，好在三木三文鱼一啲都唔腥，好有口感，望落色泽鲜艳，又够厚身，好爽。另外甜虾刺身都唔错，好大只，好爽口，好有满足感。虽然食放题嗌寿司系大忌，但想食咪食啰，最想休息下再食第二轮。我就点咗个海胆寿司，海胆味道鲜甜，冇变味，入口即融，紫菜同样脆口，好夹好好味，真系顶胃都要食多件！我一向钟意食蚬，清酒煮蚬走唔甩。首先．蚬肉无沙，抵赞，其次，每一只均有蚬肉，更加赞！第三，肉质弹牙，鲜味跟清酒好夹，清甜又开胃，赞中之赞！唯一扣分位系，份量只够一个人食，如果两三人食要叫两碟以上。除咗以上必食之外，牛柳粒同烧牛仔骨呢啲熟食都几好味。肉质弹牙唔再讲，而佢囓肉汁都非常多，食牛最怕就系干憎憎。最后仲点咗炒杂菜，配料好足，有洋葱、杂菜、萝卜丝、蘑菇，车厘茄。上菜时好够热，酱汁亦很多，几开胃。