影片
更多
2016-11-01
2642 浏览
打算同男朋友庆祝anniversary，系网上睇咗好多放题嘅食评，最终选咗呢间，真系无拣错。 本来订咗枱８点钟，但系男朋友到差唔多七点个阵话肚饿，所以就上咗去碰下运气，睇下有冇枱。上到去都唔洗等，同个经理讲咗之后佢就话可以俾我地入去，真系太好，可能因为星期四所以都唔算满座。 入到去点菜，虽然野食嘅选择唔算多，但系都算几多唔同种类，１７８呢个价仲有埋shabushabu真系几抵，仲有自助嘅火锅同甜品区，好惊喜啊！刺身真系唔错，都够新鲜，三文鱼好肥美，赤贝都好鲜甜，仲有个叫白豚片嘅物体（？）唔知系咩嚟嘅，但系好好食～啲热荤都唔错，真系即叫即整，送出嚟仲有烟嘅，当中一口牛特别好食，不过就太细碟。Shabushabu个汤底唔错，啲肉类都够新鲜，去个自助火锅吧到可以自己攞菜，又可以解下滞，几好～最正就系你唔洗叫啲waiter，佢地都会自动帮你个火锅加汤，仲要真系加汤，唔系好无诚意嘅加清水，好好服务啊～ 出野速度方面，第一轮出野真系好快，差唔多一递单就上咁济，快到吓亲！佢地仲帮我地hold起个shabushabu先，因为张枱无位放住，仲会同我地讲声，等我地唔洗痴痴的等。收碟好快，完全唔洗叫人
本来订咗枱８点钟，但系男朋友到差唔多七点个阵话肚饿，所以就上咗去碰下运气，睇下有冇枱。上到去都唔洗等，同个经理讲咗之后佢就话可以俾我地入去，真系太好，可能因为星期四所以都唔算满座。
入到去点菜，虽然野食嘅选择唔算多，但系都算几多唔同种类，１７８呢个价仲有埋shabushabu真系几抵，仲有自助嘅火锅同甜品区，好惊喜啊！刺身真系唔错，都够新鲜，三文鱼好肥美，赤贝都好鲜甜，仲有个叫白豚片嘅物体（？）唔知系咩嚟嘅，但系好好食～啲热荤都唔错，真系即叫即整，送出嚟仲有烟嘅，当中一口牛特别好食，不过就太细碟。Shabushabu个汤底唔错，啲肉类都够新鲜，去个自助火锅吧到可以自己攞菜，又可以解下滞，几好～最正就系你唔洗叫啲waiter，佢地都会自动帮你个火锅加汤，仲要真系加汤，唔系好无诚意嘅加清水，好好服务啊～
出野速度方面，第一轮出野真系好快，差唔多一递单就上咁济，快到吓亲！佢地仲帮我地hold起个shabushabu先，因为张枱无位放住，仲会同我地讲声，等我地唔洗痴痴的等。收碟好快，完全唔洗叫人嚟收野，佢地见到就会即刻收，超好服务。不过去到后期，第三四轮左右啦，出野就开始慢，要催一两次先会出俾我地。
第一次打食评，有以下总结：
优点：
１第一轮出野快
２价钱包埋任食火锅，几抵食
３有清酒，梅酒任饮，清酒仲可以热上，好爽啊呵呵
４野食几好食，刺食新鲜，热荤都好味
５服务超好，收碟好快，人手都足够，个个做野好自动波好爽手
６连自助甜品吧甜品都好高质，有个土多啤梨yougurt mousse超超超好食！
７厕所都ok干净
缺点：
１第三四轮出野开始慢，要催一两次先嚟
２热荤好细碟
３二人枱好细张
４食物选择少
唔惯食野个阵影相（因为忍唔住已经食咗），所以无图，呢间放题值得去，希望以上嘅评价可以帮到烦恼紧拣咩餐廰嘅你啦～
张贴