御滿屋日本料理

营业中

休息中

好耐冇食放题啦，今次就黎到御满屋试一试！去到嘅时候仲好好彩有卡位坐呀！一去到就梗系睇有咩野饮啦，竟然有Hoegaarden饮，真系不得了，几可见到放题有得饮呢啲饮品。跟住就去排队拎一人限攞2件嘅蛋卷啦！果度好似真系由日本师傅整嘅。一食落去，蛋系好滑架，中间仲有沙律酱同好似系蚝呀，沙律酱有一种好清新嘅感觉。整体非常好味。之后黎到放题嘅常客啦，就系刺身啦！咁就分别有三文鱼，带子同赤贝等等啦，咁每样刺身都系好新鲜啦，带子都几大粒，三文鱼都好大块，加上赤贝都好爽口，值得一食！不过略嫌刺身嘅款式比较少。再黎嘅系炸物啦，炸虾天妇罗好大只，好好味。仲有嘅系炸蕃薯，亦都好好食。当中嘅炸物唔会话好油，炸得唔错！仲有嘅系特色嘅寿司啦！其中我觉得最好食嘅系黑松露芒果三文鱼寿司。唔知点解黑松露同芒果嘅配搭系出奇地夹，非常好味！而呢个寿司都系餐厅所推介嘅，果然冇推介错到！最后我仲追加多一客添！去到最后就到甜品环节啦，有得食movenpick系好开心，因为呢款雪糕都系好好食嘅！呢间放题有啲唔同嘅地方就系寿司比较出色，同埋饮品同甜品都比较多款嘅。