咖吔

营业中

休息中

-新加玻喇沙掺掺夏天热辣辣最岩食d浓味辣辣地嘅野开下胃，试咗呢个掺掺好大碗，绝对够饱，摆面仲有半只温泉蛋，鱼弹虾豆卜之类，配埋有个酱唔辣嘅类似xo海鲜酱，连埋青柠汁加埋落汤度更加鲜味，成个汤好有南洋风味，只系有小小辣，计返谭仔应该得二十至三十小辣，加埋汤底可能有椰奶中和返，仲增加咗香味，我觉得喇沙汤底比咖喱更加鲜。唯一美中不足系可以再加多几条菜索埋个汤一齐食会更正，不过对女士尼讲食晒成碗会有d饱滞。-老街咖哩面老街咖哩面系油面同粉丝混埋嘅，汤底咖哩椰味香浓，梛浆为本身咖哩汤增添咗香味，令面底都十分入味！成碗面都好足料，有虾蚬等海鲜，食到碗底都仲有好多，值得一试！-马来拉茶有少少似泰式奶茶嘅味道，好滑好香，但个人略嫌甜咗少少，不过都好好饮-香茅青柠荔枝梳打如图所见有原碌香茅，再加埋d薄菏叶成个视觉望落好refreshing，饮落就有荔枝味不过只系好小甜，岩晒我唔钟意饮甜野又想食饱消滞，仲有个底系梳打水饮完嗝返啖气爽晒！最尾仲可以咬埋条香茅清新下个口气。