大戶屋

营业中

休息中

响铜锣湾区同朋友一齐做嘢之后天天气又唔系太好，所以大家决定叫外卖午餐唔使出去，其中有啲朋友想食得清少少，所以就谂不如食日本便当，就有人提议试吓大户屋。我哋分别叫咗两份大户屋御膳便当（竹），份量真系几足够，又有炸猪扒又有猪肉有鸡，同埋本身有跟埋白饭同面豉汤。炸猪扒嚟到都仲系好松脆，猪肉亦都唔算咸，鸡窦好味，面豉汤饮落去都真系有返面豉汤嘅味道，唔似有啲舖头好似一杯咸水咁。跟住个黑醋鸡肉野菜，黑醋鸡肉真系唔错，酸得来又唔会觉得太浓，食落去系几好嘅，但系本身冇跟白饭要另外叫， 白饭都加咗一粒酸梅，啲鸡爱嚟送饭啱啱好。另外个朋友叫咗个黑醋鳕鱼野菜，都系要另外加白饭，佢话个黑醋鳕鱼识落到好够味道，又唔算太干，觉得都可以。仲有一个系银鳕鱼西京烧，另外加白饭，银鳕鱼都好滑，虽然有骨但系唔算太难搞。另外，我哋嗌咗两份自家制免治牛肉薯饼，同个炸猪扒一样嚟到都仲好趣，外脆内淋，亦都唔会太咸，都有牛肉味。唯一意见就系所有跟饭送来嘅酸菜佢系偏冇咁酸嘅，比较偏淡，个人会比较喜欢酸味重啲。总括来讲之后都仲可以再嗌外卖。