茶屋町 (長沙灣道) (已結業)

平时行过呢条街都太快太急，好少留意到呢个门口， 今日漫步行，反而见到有间小店喺呢条热闹嘅街道上，有缘分一试。里面嘅装修都几特别㖞，好似车厢咁样，仲有宫崎骏卡通嘅装饰，几有趣呀。明太子鸡翼， 有惊喜㖞，我开头以为系炸鸡翼配明太子酱汁，原来系去骨鸡翼包住明太子馅料，饱满又丰富。小食烧鳗鱼，唔推介，上枱时， 鱼系涷嘅，酱汁又涷且偏杰，鱼肉又多骨偏硬，唔好食。期间限定蟹膏三文鱼籽丼， 大大份，材料足。蟹膏鲜味但唔腥， 蟹肉少少咸， 三文鱼籽精莹通透， 可是米饭唔似日本珍珠米，要扣少少分。