八户屋和食料理

营业中

休息中

呢间大户屋都算几新下，之前食过几次set lunch,今次就试下散叫。入到去都几热下，所以就叫咗杯抹茶雪糕奶昔，好大杯，不过就好似甜咗少少。之后就叫咗个炸虾寿司，啲饭仲暖暖地，只虾都够脆，都ok。跟住到烧牛脷，呢碟系我觉得最好食嘅，口感好正而且唔腻，好正。头先个碟炸虾寿司唔够食，所以就叫埋海苔味。叫咗个炒野菜消消滞，不过多油咗啲。烧鱿鱼，几香同埋好有咬口，不过冻咗少少。叫个饱肚啲嘅炒饭，不过啲味就普通咗少少，冇乜特别。刺身都好正下，好厚身所以好有口感。海胆同带子都好正！最后嚟嘅系鲭鱼，有少少淡，同埋热啲会正啲！总括嚟讲都唔错，以后食嘢又可以多个选择啦^_^