鮨樂 (新鴻基中心)

营业中

休息中

呢间位于湾仔新鸿基中心1楼的日本餐厅真系唔错，Set Lunch价钱略高不过真系物有所值，跟餐有汤同沙律，两样虽然系免费送嘅，不过味道一D都唔差。呢一个杂锦海鲜丼都真系唔错，刺身嘅质素都几高，好新鲜好好味，吞拿鱼同埋个带子都好出色。杂锦天妇罗丼定食份量足，直头觉得天妇罗太多饭太少搞到唔够饭去食𩠌咁样，佢D天妇罗都做得好好，天妇罗浆粉薄薄的铺面，两只天妇罗虾都几大只，而且肉质都几新鲜，D天妇罗野菜好好食。因为佢念个系定食，所以仲有个蒸蛋跟埋。第三个餐系冷荞麦面寿司定食，呢D天气食冷荞麦面真系好啱，又清爽又凉浸浸。呢个定食餐仲有5件寿司加两件大卷物，都饱嘅，D寿司都几新鲜。最后埋单每人大约$170，湾仔码头一带坐得舒舒服服食Lunch而价钱又唔算贵嘅真系可遇不可求。