影片
更多
2013-09-26
508 浏览
好朋友们为我庆祝生日（共４男２女），我无乜意见，于是就带咗我去呢度（１ST TIME） 唔好睇佢附近装修、又响街市入面就以为冇人去呀！我哋去到，都见有几枱客食紧～大家兴致勃勃咁谂食咩，我自己就除咗虾饼之外都冇乜特别要求，所以由食开嘅大家发板～一人一两个意见，叫到成枱都系美食，食到个个停唔到口 XD生菜包系其中一样朋友话要必点嘅菜式！我自己只系食咗一份，真系好好食，呢料炒得好香、好惹味！不过对我而言就辣咗啲，而且香料多（我个人唔系太食香料、芫茜等重味嘢）所以留番俾佢哋ＫＯ～泰式小食拼盘：里面有虾饼、猪颈肉、串烧、鱼饼、春卷，而头三样系必叫小食，抵！１. 虾饼：除左最基本，要好有虾味同弹牙之外，炸嘅时间亦系非常重要嘅！而呢度个虾饼真系炸得啱啱好，而且系即炸热辣辣，外脆内软、爽滑弹牙，搅到我忍唔住食咗两旧 XD２. 猪颈肉：亦系会被极速ＫＯ嘅菜式，下面会再提及３. 串烧：由于极速被ＫＯ，所以无机会试，下次要再去食先得！炒通菜：我好钟意食通菜（钟意食绿色嘅菜，且唔食白色嘅菜），呢碟炒通菜就当然系我叫嘅啦～虽然无乜惊喜，不过都好味半只鸡：我唔知系咩鸡，不过烧得好香。鸡虽然唔肥，但非常香滑，唔会干
好朋友们为我庆祝生日（共４男２女），我无乜意见，于是就带咗我去呢度（１ST TIME）唔好睇佢附近装修、又响街市入面就以为冇人去呀！我哋去到，都见有几枱客食紧～
大家兴致勃勃咁谂食咩，我自己就除咗虾饼之外都冇乜特别要求，所以由食开嘅大家发板～
一人一两个意见，叫到成枱都系美食，食到个个停唔到口 XD
生菜包系其中一样朋友话要必点嘅菜式！我自己只系食咗一份，真系好好食，呢料炒得好香、好惹味！
不过对我而言就辣咗啲，而且香料多（我个人唔系太食香料、芫茜等重味嘢）所以留番俾佢哋ＫＯ～
泰式小食拼盘：里面有虾饼、猪颈肉、串烧、鱼饼、春卷，而头三样系必叫小食，抵！１. 虾饼：除左最基本，要好有虾味同弹牙之外，炸嘅时间亦系非常重要嘅！而呢度个虾饼真系炸得啱啱好，而且系即炸热辣辣，外脆内软、爽滑弹牙，搅到我忍唔住食咗两旧 XD
２. 猪颈肉：亦系会被极速ＫＯ嘅菜式，下面会再提及
３. 串烧：由于极速被ＫＯ，所以无机会试，下次要再去食先得！
炒通菜：我好钟意食通菜（钟意食绿色嘅菜，且唔食白色嘅菜），呢碟炒通菜就当然系我叫嘅啦～虽然无乜惊喜，不过都好味
半只鸡：我唔知系咩鸡，不过烧得好香。鸡虽然唔肥，但非常香滑，唔会干争争咁。只鸡唔算大只，几个男士系咁夹，半只都唔系咁够食？
至于生虾，由于我系一次食，又唔食得辣，所以除咗几新鲜之外，就俾唔到其他感想
咖哩软壳蟹：第一次见人用咖哩煮软壳蟹，但意外地几好食！即使大家就我所以叫咗小辣，不过都非常深得人心，系咁叫蒜茸包同烤饼「送咖哩汁」！佢啲咖哩好似落咗蛋花咁嘅嘢？正唔正宗我就唔知，不过就好香滑，而且味浓却唔会腻香芒炒饭：菜牌入面无嘅，朋友（熟客吧？）一坐低就话要叫。Woo～ Yummy～除咗香甜芒果肉同杂豆之外仲加咗唔少海鲜，个饭炒得够干身，就咁食或者加咖哩汁都咁好味～
蒜茸包：又一推介！本以为「蒜茸包？周围都食到啦？」点知一到就立即被扫清，之后佢哋唔够喉再叫我先有机会试到，哗～好香好脆但唔会觉得油腻！劲㖞！抵佢受欢迎～
烤饼：我自己系非常钟意食烤饼，所以一知道会叫咖哩而又有得卖就举手赞成！惊喜就无乜，不过一样系松脆得泥唔油腻，谂起都想食！
烧乌头：朋友推介，可惜今次可能烧得太耐，太干太实肉（我好钟意食鱼，不过就比较喜欢滑身嘅）但系由于佢味道好，所以其实我都食咗好多～烧猪颈肉：极力推介！真系又大份、又好味！好香、好正！外面够干身唔肥腻，肉质弹牙爽口，够哂入味！根本就唔洗点咩汁都已经好好食！必食！
椰青大菜糕：舗头送嘅～虽然我唔钟意食大菜糕，不过佢做到好清香，加上里面有少少椰青肉，感觉食完好舒服，可以减低油腻感！（尤其椰青本身系好「凉」嘅嘢，所以食完咁多肥腻嘢之后，食几旧当清热都唔错架！）
芒果椰汁糯米：特登点嘅～因为好钟意食 XD 无乜特别，不过啲糯米煮得刚刚好，亦唔会太散或太黏，ＧＯＯＤ！
如果真系要揾呢间店嘅缺点，就要讲讲环境了
因为系开响街市嘅地下，无冷气、无门窗，热就梗架啦～亦有机会会食食吓见到有昆虫走／飞过，但系眼见碗筷等等都处理得好干净，所以我自己就唔担心什么～
张贴
