Mak Mak (已結業)

行过见个位都几埋，以为净系得饮品，原来系泰国菜。见门口happy hour $50一杯，中环嚟讲都唔贵👍🏻Lunch 都2点几先入去，但估唔到都仲有好多人！啲侍应忙过不停咁，等人带位都等咗阵😳 唔通真系咁好食？！见到menu 有好多素食选择，几好！ 晚餐仲有素食二人餐，好friendly 。即使唔系食素，有好多菜类选择感觉都健康啲叫咗个冬阴功汤，素豆腐生菜包同一碟虾酱蜜糖猪肉炒饭冬阴功都唔错，有2只大虾都新鲜唔系梅。但汤就较淡味，唔系好够香浓。2个人饮就好，如果人多4人以上恐怕就太小… 如果有分大细就好… 辣豆腐生菜包，系素食版生菜包，有豆腐，少少菇同一啲香叶。食落几清新，唔热，当沙律咁？🤔 但佢辣味好劲，初初食落唔觉，但后劲越嚟越劲🥵 如果唔系食开谭仔中辣以上要三思！ 要边食边饮水先得… 最惨系佢太辣搅到食饭好似无咗味觉咁… 如果唔系咁辣都几好食仲有个虾酱炒饭，伴碟有蜜糖猪肉。啲猪腩肉用蜜糖碌过，食落好甜又好香，简直系邪恶😈 虾酱都好足够，有啲大虾，炒饭入面仲有啲虾干，食落好香口，每粒饭都好平均。 睇佢好似好少咁，但食落都好饱… 如果饭局4人以上，啲食物就略为细碟得济，会唔够分…