湘肴世家

营业中

休息中

尼间餐厅系妈咪介绍，上年生日嘅时候来食过一次，今次庆祝母亲节都系拣返尼间。湖南菜同川菜一样都系辣，但湘菜就无咗川菜嘅麻香味，更著重于香辣嘅表现。而其中一道次次来都有点嘅系以下尼道熏鸭，妈咪特别钟意。以为系普通熏鸭味，但其实味道一啲都唔简单。食落有好香嘅木熏味，第一啖唔会食到辣味，但之后又会有好重嘅辣味出返来。🌶🌶🌶系越食越辣，越食越滋味个种。次次来都会叫嘅口水鸡，味道香辣。细佬仲将啲汁拎来捞饭。酸菜鱼系上次生日饭个次叫，味道唔错，但无特别惊喜，鱼嘅份量亦少。炒长豆角，算系特色菜，味道唔辣，啱晒唔食得辣嘅朋友。莴笋炒腊肉，配饭食好正莴笋够脆嫩，腊肉够香。最后甜品系炸南瓜丸，中间好似有紫薯，外脆内软，但价钱偏贵。建议多人来食可以试多啲菜式。