王朝潮盛館 (已結業)

朋友带我黎呢间潮州菜，都几好食，份量都几多，叫几样野share食，可以试多d唔同嘅野。鹅件三拼盘叫咗鹅件，墨鱼同鹅肾，份量都几多，都几大碟，每样卤水都卤得好入味，鹅件好淋好嫩滑，墨鱼好新鲜，口感爽脆，而鹅肾唔会好硬，好爽口，同埋好入味。蚝饼炸得好松脆，但又会太油，而d蚝仔劲肥美，都几大只，都好鲜甜。椒盐鲜鱿炸到外皮好脆卜卜，d椒盐味好特出，几惹味，鲜鱿食得出都好新鲜。水煮牛估唔到潮州菜馆都有水煮牛，所以叫黎试吓，估唔到又几正宗，辣度啱啱好，牛肉份量都几多，牛肉食落都嫩滑，仲有薯粉同其他配菜，食到停唔到口。