四季煲仔飯

营业中

休息中

有个喺美国返嚟嘅朋友，谂住同佢聚一聚，问佢想食咩，佢竟然话想食煲仔饭。咁我就带佢去呢一间四季煲仔饭。我好耐之前食过一次，今次再食希望佢唔会失水准，我叫咗个滑蛋牛肉饭， 佢就叫咗个咸鱼肉饼饭，另外我哋仲嗌咗一个通菜，估唔到佢个通菜份量都几多，最重要系只需要廿几蚊，真系觉得超级抵食。佢个滑蛋牛肉饭一上到嚟已经好吸引，系啱啱新鲜整起。佢个咸鱼肉饼饭都唔错，其实唔系肉饼，系肉，但系味道都可以接受。我自己就钟意食滑蛋牛肉饭多啲。焗一焗个底仲会有饭焦。Btw佢呢度好特别系畀咗钱先上菜嘅，不过唔紧要啦好食就得啦。