天然齋 (已結業)

好多年前食过贵德宫，今次系第二次试私房素宴。一共有八道菜。第一道菜系牛油果伴沙律，味道可以但牛油果酱比较冻左D。第二道系姫松茸汤，好清甜。第三道招牌菜叉烧包，真系好好味。第四道系菇饼伴红菜头汁，其实剩个饼都好味，有D似虾胶，可能个汁系要画个嘴吧。第五道系素翅炒蛋白，似赛磅蟹，唔错。第六道是猴头菇，平时好少食，想不到都唔错。有少少似鲍鱼质感。第七道是心形炒饭，炒得干身同香，不过有D辣。第八道是腰果露，几香但有D甜。其实食完四道已开始饱，都算抵食。另服务贴心，见壶茶开始冻就帮我地换壶热，还帮我地换过杯。