Cozy Coffee (已結業)

年初三赤口去西貢郊遊，試咗呢間文青feel cafe，都真係唔錯，難怪用膳時間限時個半鐘(其實都好足夠)。食物方面叫了牛油果溫泉蛋竹炭多士、鹹蛋黃香蔥蛋黃醬炸雞翼及乳酪泡沫花生醬多士，飲品就叫咗Piccolo兩杯同埋紫薯燕麥鮮奶。個牛油果溫泉蛋竹炭多士成件事好fresh，牛油果好新鮮，竹炭多士吸咗溫泉蛋漏出嚟嘅蛋汁特別正。鹹蛋黃香蔥蛋黃醬炸雞翼係單骨雞翼，雖然邪惡不過絕對值得，鹹蛋黃味唔會太濃，落手食最好。乳酪泡沫花生醬多士就真係邪惡中嘅邪惡，乳酪泡沫非常creamy，用件花生醬多士撩嚟食，唔錯。兩杯野飲都好味，本身鍾意濃味嘅咖啡所以揀Piccolo，而杯紫薯燕麥鮮奶嘅紫薯味好香，好飲。整體來講樣樣都唔錯，不過賣相好靚打卡一流所以加分。