HOKO Farm (已結業)

睇戏前有两个钟空档食晚饭，但唔想食连锁餐厅，于是就同朋友们拣左只此一家嘅Hoko farm 试试。我地4人叫左两个$308嘅二人分享餐。跟餐𩠌嘅面包，够软身而且仲暖暖粒粒，细细件唔会太饱。忌廉汤入面有粟米同洋葱粒，仲有啲煮溶咗嘅薯蓉令个汤更浓稠。水牛城鸡翼，少少辣，但味道偏酸，唔太正宗。半熟蛋卡邦尼意大利粉，有即磨芝士片，而且捞埋半熟蛋之后非常香水准之作。龙虾意大利饭，本身以为个饭会有啲腥味，点知食落一啲都唔腥，而且系好香浓嘅蕃茄同Basil味。饭煮得够熟唔会有啲半生米粒，好味。龙虾都算多肉，但焗得有少少干。烧春鸡并粗薯条，即叫即烧要等30分钟。鸡都烧得几香，切开有好多肉汁流出来，肉质非常滑嫩，唔会太咸。但中间有少少唔熟。跟餐赠送嘅蛋糕，应该系榛子金莎朱古力切饼。食到有层次，亦有金莎嘅脆脆同榛子味，非常好食！爱好甜品嘅本人觉得属于高水准之作，而唔系Hea整嘅跟餐甜品。就算非常饱都食哂！黎到饮品，因为系特饮要另外补差价。叫咗Oreo沙冰，觉得冰有点多，而且份量偏少，唔太抵叫。牛油果沙冰，饮落完全冇牛油果味而系云呢拿味非常之不解，唔建议叫。杂苺乳酪，算系叫咗嘅几杯饮品之中比较好味嘅。饮到中