功夫點心工房 (已結業)

早餐时间突然好想食点心，但系又唔想去茶楼咁隆重，行过维多利亚后面天后站一带，咁啱见到功夫点心， 所以就入去试一试。入面嘅装修简单，一个厨房连埋一个收银台，另外有两张枱，每张枱有四长櫈，所以大部分人都系叫外卖。今次，我就系堂食嘅，叫咗叉烧肠粉，烧卖同埋虾饺。 叉烧肠方面，分量就几多嘅，入面啲叉烧都唔悭料，所以食落去可以话系啖啖肉。而且你可以自由选择豉油嘅份量，悉随专便，的确几唔错。烧卖同虾饺就起码每样要叫两粒或以上，因为每龙系两粒，虽然对顾客未必太方便，但系仍然可以理解。论质素，烧卖同虾饺都好大粒，尤其烧卖同虾饺嘅虾肉系原只鲜虾，虾饺嘅外皮晶莹剔透，卖相亦都好唔错。总括而言如果你食厌咗一般茶餐厅嘅面食，功夫点心系一个唔错嘅早餐选择。