HIPOT (已結業)

今日同家人去呢度打边炉。去度等一阵就已经有位，可能时间尚早啦。入到去好快有位坐，都可以望到街景既。今日叫左个南瓜同黑椒烟肉汤底。其他食物有：红酒墨鱼丸、香草猪肉丸、牛柳料、肥牛、虾滑、乌冬、田园一碗蔬等等啦。我地三个都有加10元任饮汽水、糖水。(呢个系硬性要加既)食物都OK啦，牛肉好新鲜啦。南瓜汤底既味道普通啦，黑椒汤底就几好，真系好正，配乌冬真系好入味。另外，红酒墨鱼丸几好食，红酒流出来，真系好好食。虾滑就无乜特别啦，食物整体上都唔错啦。而糖水方面有红豆沙、杏仁露、芝麻糊同豆腐花。我试左红豆沙同豆腐花。红豆沙好重陈皮味，但都好够味。豆腐花都几好食啦。总结，真系可以去多次。服务都几好，一见到食哂既野，好快帮你收番。一有要求佢地都好快作出回应。今餐食左$444，真系几抵食啦。而家夜晚无得订位，要自己walk-in。