華園餃子館 (已搬遷) 新店位置

好耐之前唔记得系咪电视有介绍过,就有少少熟面口喇。所以我同朋友就拣左依度。反正唔系太肚饿,我就叫朋友叫几样样野黎食下,分别系醉猪仔筋, 麻辣肚丝, 十三么饺子。醉猪仔筋: 落单个阵时伙计话今天好鬼多人叫依个, 所以可能唔够一碟咁比我地, 就叫我地加多另一款小食! 猪仔筋算系个到小食最贵既, $58一碟, 咁拼埋其他收$58就算喇,因为我相信佢个猪仔筋都唔会太差既, 之后就黎一碟又有猪仔筋又有鸭舌既小食喇。讲番个卖相先, 睇落真系唔错嫁,不过食落又另一回事,虽然个名有个醉字,但食落酒味真系唔够, 而成味小食都系啖左少少,唔系太岩我自己口味,反而朋友有几钟意。之后朋友就叫左个麻辣肚丝,话叫D重口味野食岩我㖞,有D麻辣味, 但唔够麻香, 不过都系有同样既问题, 我都系觉得味道太淡,不过加埋D青瓜丝一齐食, 又几清新嫁㖞, 我觉得都系好岩我朋友食。再叫左个十三么饺子, 介绍就话可以食到十三种唔同既味道,都似头个几味野食淡淡地唔岩我自己, D馅都做得唔错, 有无话十三种味咁多我又觉得好难食得出。