雄記美食

营业中

休息中

想去雄记食咖喱牛腩好耐，次次星期六想去食但因疫情无开。今日星期一去开湾仔做野终于食到，我下晏2:30去到餐厅都坐左成7成人，有d野食都卖晒，证明生意都唔错。一入到去我点咗咖哩牛腩通心粉，因为之前见到杂志介绍过咖哩牛腩通心粉同埋招牌煎肠粉都系出名嘅，但今日得我一个人所以食唔落煎肠粉。个咖哩牛腩通心粉可以选择大中小辣，我拣咗中辣，嚟到闻到好香嘅咖哩味，通心粉嘅烟韧度适中，咖哩亦都好香几好味，入面除咗牛腩之外仲有啲薯仔粒粒，牛腩方面我觉得中规中矩，但咖哩汁唔错，我觉得中辣都算辣啦，下次我可能叫小辣都应该够。之后我加咗十蚊叫咗一杯冻嘅腐竹糖水，味道好似好浓郁嘅豆浆，甜度适中都值得一饮。如果你哋经开湾仔又咁好彩佢开门嘅都可以试下，佢哋家庭式经营服务服务态度都好好，味道都唔错。