珠江酒家

营业中

休息中

晚上大概7点15分左右到达，行左阵先见到，因为舖个门口比较细同唔明显，好易就会行过。入到去坐下层，刚刚好有位，我谂迟啲我就可能冇位，下层有5张枱，上层就唔知，冇上过去。店员都几有礼貌。由于限聚令既关系，3个人都可能坐张大枱。先黎点左个蚝爽。朋友都话唔错。唔太干又唔太湿，啱啱好，正之后就叫左个黄金墨鱼咀，豉油皇鹅肠，同椒丝腐乳通菜。黄金墨鱼咀啲炸粉唔够黏，一夹起就同墨鱼咁分开，唔系想像中咁样，不过味道都系可以既。豉油皇鹅肠就普普通通，不过不失啦，个色好似唔够深色。椒丝腐乳通菜好够镬气，好正，好快就食晒。大家都见唔系太饱就叫左个XO酱蝴蝶腩，呢个真系同想像中差好远，食唔到有XO酱既味道，食到有啲辣同有啲醋味，有啲似口水鸡个种味既感觉，有啲怪怪地，唔知系咪比错左我地。我地都仲有叫左几枝啤酒饮，不过唔见有冰桶同唔够冻，如果有冰桶就好了。仲有好多野都想试，不过已经食唔落喇，唯有下次再黎试过啦。