漁場台風

营业中

休息中

放工饿饿地与同事落旺角觅食，突然想食拉面，就谂起呢间沾面喇！门口都几易认架，入到里更加好有和风既味道～之前都食过一次佢地既黑芝麻沾面感觉就比较普通，味道唔系好突出，咁今次就试下佢另一款味道，鱼介豚骨蕃茄海虾沾面！餐单上除3种沾面汤底你拣之外，仲可以拣份量，酱汁多少，葱唔葱，热定冷食咁，仲可以配菜加码，份量加码，当然加码就要额外加钱啦！个拉面等左一阵就到喇，跟手黎埋个汤底！个汤底黎到就闻到阵阵海鲜虾味！试一啖就觉得成个口都好香虾味，配埋酸酸甜甜既蕃茄汤就相当开胃！面条就暖暖的，软硬适中有咬口！不过个叉烧就麻麻喇，可能我唔太喜欢果阵骚味啦.....整体都唔错的，而且普通份量都食到饱晒！如果细食既朋友要少面比较好喇！