龍華軒咖啡室 (已結業)

位于旺角登打士街恒威商业中心17楼，呢间CAFE够晒就脚，虽然得10几20个位，但系只要早几日上网BOOK定，应该唔怕无位，我地一行4人7点钟上到黎，因为唔系太肚饿既关系，叫左2个套餐再另外加多2杯野饮。呢间CAFE无同区既咁大，所以游戏都唔系太多，但最常玩既都有，最有趣既系墙上挂左好几个结他，如果有埋夏威夷结他玩就好啦。我地成晚只系玩左大富翁，呢个系新版黎架，唔洗数钱，有张好似八达通既卡入钱扣钱。以下系四杯野饮，其中2杯系青苹果绿茶同红茶，有净果2杯唔记得左啦。呢个卡邦尼意粉好好味，意粉软硬适中，个汁又够浓，料又落足。以下呢个系白汁海鲜焗饭，海鲜够多，白汁够味同够多，唔会话食到尾有D饭系无汁掂到既，唯一唔好处既系芝士太多，下次应该叫佢走芝士，旨因本人唔多好。总括黎讲今晚无论食物游戏环境服务我都好满意，唯一美中不足既就系10点钟要走人，因为有人BOOK左位，但系坐左成3个钟，都够架啦。