少爺泰 (已結業)

黎过附近几次，今次就试下依间！combo小食拼盘甜酸汁实在太好食啦😂鱼饼又甜又香，春卷炸得好脆，仲有炸蟹卷，最紧要炸得热辣辣，好新鲜。点上汁系好清新唔油腻既感觉😍生菜包香料好特别，调味唔错，令味道好泰式😂份量亦都好大，我比较细食系完全食唔哂😂👍鲜虾炒金边粉味道酸甜，味道较重，好开胃，配上两种调味粉，任君选择，辣椒粉同辣椒核辣到好爽！d虾好新鲜爽口，正!泰公主呢杯野饮其实系士多啤梨沙冰。沙冰入边可以见到有士多啤梨嘅核，所以系应该用咗鲜榨嘅果汁去打。饮落去有啲似瑞士糖嘅士多啤梨味，易入口，几得意。菠椰卖相一流，见到好多人都点依个所以都唔执输😂入面系椰奶沙冰，好清甜消暑🤗仲有块鲜菠萝系面，味道清新又比较健康！串烧(鸡肉，牛肉，猪肉)串烧整体上嘅质素都好好。啲串烧嚟嘅时候见到上面有啲绿色，问侍应得知𠮶啲系传统泰式嘅芫荽酱，系之前食其他泰国餐厅都冇嘅。但系就咁食落去就唔觉有啲咩芫荽味，所以怕芫荽味嘅人都唔需要怕叫呢一道菜。反而沙嗲酱甜甜地而且味道较浓，进一步点缀肉嘅鲜味。整体食物唔错，环境舒服，个人特别推介串烧同小食拼盘！