泰.夯蝦 (諾士佛臺) (已結業)

今次去到尖沙咀既一间流水虾试下，之前去过泰国食，就睇下做唔做到个感觉啦！食物质素平均既食物质素都几好。虾就一定新鲜架啦，不过唔系只只虾都好多膏，睇你好唔好运啦🙈不过基本啲虾都爽口弹牙。另外既配料都几多，净系鸡翼佢都提供左6只口味，川味同孜然味较出色，个味做得好足，川味食到细细既花椒料够辣。另外猪颈肉同猪扒都好食。猪挵肉系厚肉个只，食落好有口感，带骨猪扒嫩滑，juicy🥰另外仲有啲特别啲既食物，例如法包同菠萝。不过另外既海鲜(沙白，生蚝，带子)就偏细同埋无咩惊喜，食一两只好了。甜品方面，佢甜品柜有椰汁糕，椰青大菜糕，泡芙等等，净系试左大菜糕，硬到一个点又无味😂不过！佢地入左一只香港制造既雪糕，奶茶芋头牛奶味都好好食！！有惊喜！😍服务态度今次去既体验好好，店员好friendly同好主动帮手。主动帮我地换网，教我地捉虾，点样烧最有效率，有个姐姐仲帮我地烧左少少野食添🙈今次既体验几好，而家7点30前去仲有85折，有折都会去食多次既，唔洗次次食放题都食好多肉嘛🙈评分7.5/10