影片
更多
2024-04-22
187 浏览
两个人叫左个三桥慢煮红烧牛肉面(半筋半腩)、龙式香煎鸡扒便当，跟餐要杯冰绿茶同埋甜蜜红豆奶茶，总共$118。真心呢个价钱唔贵，相信系因为主力做街坊生意；食物质素方面亦都交到功课。落单𠮶阵问老板有无介绍，佢就话多数人会拣个牛肉面，至于其他都好平均。好彩我有拣到牛肉面，因为事后先知原来系限量50份。咁点解话好彩？因为：香！一送到黎已经闻到个汤好香，结果饮完杯奶茶之后，我仲饮左大半碗汤，直到饮唔落。当归本身系苦涩，但系佢份量控制得相当好，你唔会感到佢涩，药材味恰到好处，你只会觉得佢清香。讲完汤，到主角牛肉。应该系佢嘅煮法，令到佢嘅牛腩都系咁香。不过我可以食得比较重口味少少，我会钟意啲牛腩再浓味啲；又咁讲，味道无咁重，又更凸显浸牛味。至于牛筋就做到淋滑嘅效果，相当好食。个面亦都爽滑弹牙，满意。个便当主要唔系我食，不过画面见到嘅每一样野我都有试匀。个黑木耳同藕片相当清爽开胃，我尤其钟意个藕片，佢带有柚子味，味道相当夹。个肉燥饭好食嘅，不过太基本，唔多讲。个煎鸡扒要讲喇，块鸡肉仍然好嫩，但系外皮爽脆。依家写返出黎我都想食个煎鸡扒，坦白讲呢个系头先写咁多样食物入面最念念不忘（虽然人地主要做牛肉面😂；
落单𠮶阵问老板有无介绍，佢就话多数人会拣个牛肉面，至于其他都好平均。
好彩我有拣到牛肉面，因为事后先知原来系限量50份。咁点解话好彩？因为：香！一送到黎已经闻到个汤好香，结果饮完杯奶茶之后，我仲饮左大半碗汤，直到饮唔落。当归本身系苦涩，但系佢份量控制得相当好，你唔会感到佢涩，药材味恰到好处，你只会觉得佢清香。
讲完汤，到主角牛肉。应该系佢嘅煮法，令到佢嘅牛腩都系咁香。不过我可以食得比较重口味少少，我会钟意啲牛腩再浓味啲；又咁讲，味道无咁重，又更凸显浸牛味。至于牛筋就做到淋滑嘅效果，相当好食。个面亦都爽滑弹牙，满意。
个便当主要唔系我食，不过画面见到嘅每一样野我都有试匀。个黑木耳同藕片相当清爽开胃，我尤其钟意个藕片，佢带有柚子味，味道相当夹。个肉燥饭好食嘅，不过太基本，唔多讲。个煎鸡扒要讲喇，块鸡肉仍然好嫩，但系外皮爽脆。依家写返出黎我都想食个煎鸡扒，坦白讲呢个系头先写咁多样食物入面最念念不忘（虽然人地主要做牛肉面😂；当然，牛肉面都好食嘅）。
最后就系两杯跟餐饮品，冰绿茶同甜蜜红豆奶茶。两样饮品嘅甜度对我黎讲都系合适嘅，唔太甜，适合食完个餐解腻；就咁饮就可能唔够甜，唔够过瘾。
总体来讲，食得出制作用心，用料亦都唔错。缺点系佢堂食位置系露天，位亦唔多，落雨就麻烦嘞。建议街坊考虑外卖。
张贴
