尚素 (已結業)

最近成日出街食饭，不过因为之前食过几次素食都麻麻地，所以都好食素食素。 今日难得妈妈开到口，就陪佢黎到呢到试试佢。 观塘工业区呢边既餐厅好多都唔太大间，所以呢到都比想像中宽阔同舒服。 呢到既好处系有Dinner Set，而且前菜 、主菜同埋饭面类都有好多款拣，抵食得黎又弹性高。  今次黎我地仲好好彩，可以免费多汤升级做羊肚菌炖汤，羊肚菌炖汤都几足料，而且唔似出面既炖汤咁油，清清地好好饮。 前菜我地拣左山葵香木耳沙律同埋椒盐鲜鱿。 先系山葵香木耳沙律，木耳好爽口同好滑，配埋有少少 Wasabi 味既沙律酱感觉都几清新。 至于椒盐鲜鱿呢，可谓全晚最有惊喜既一味𩠌！椒盐鲜鱿外表炸至金黄香脆，而且有好香既椒盐味，至于肉质都同真鲜鱿好相似，而且爽口得黎冇咁韧，仲有阵清甜味，我地都觉得佢系椰子肉黎。呢个松茸炒桂花翅其实姐系松茸炒佢翅，要赞既系佢既仿翅都几粗同烟韧，唔好好淋，而且都炒得好香同几惹味，不过就炒得油左少少。呢个牛肝菌炒饭就唔会太油喇，而且好香菇菌味，加埋啲Nuts清得黎都 好香口。最后佢地仲送左糖水，木瓜炖雪耳，清甜滋润，用黎结尾一流。