花月庭 (已結業)

见午餐自助餐几抵食，试一试佢。老实讲食物既种类唔算多，但胜在大部分食物都有一定既水准。而环境都几干净企理，坐得几舒服，但攞野食既空间就有少少挤逼。食物普遍都好新鲜，尤其系生蚝，生蚝系即开咁供应，有分法国同美国两种，每次每人只限取两只，生蚝尺寸比较细，但鲜味十足，食到既每只都好饱满，有淡淡海水味同金属味，可惜每次排生蚝都好多人，每次都要等大约5-10分钟先拎到一转。除咗熟食，甜品款式都几多，每样都各有特色又好味，啱晒钟意食甜品嘅人，一次过可以试好多唔同嘅款。整体而言，午餐自助餐既食物够新鲜，甜品种类丰富，环境唔错。