大大鑊 (已結業)

是日午餐 韩国野again✨冇计啦因为尖沙咀太多韩国餐厅啦😂今次就拣左间楼上既试一上到去明明系lunch hour但一个人都冇😂可能主要做晚市生意挂不过咁都好静静地 佢每张台都有个大大既铁pan for烤肉食既但因为太大啦如果唔烤肉既都几阻定下...之后我地就嗌野食啦 一向钟意食年糕既我梗系要试下佢既芝士炒年糕啦 咁朋友就嗌左泡菜猪肉炒饭既 另外既朋友就嗌左参鸡汤~小菜系首先上台啦 佢既西兰花好好食唔知点解😂其他就泡菜啊枝豆啊个d啦都好食既但唔算特别凸出啦首先上台既系我既芝士炒年糕 睇落都几足料架有洋葱有萝卜有鱼糕同唔少既芝士同埋年糕食落都真系几饱架😂食落非常惹味同埋年糕唔会太腍烟烟韧韧咁好饱肚又好好咬口 加埋d芝士食芝士唔会太浓又有拉丝既效果系啱啱好既 可能我拣左辣既关系啦所以食落冇咁腻 但佢既辣都真系几辣架 不过就唔会攻鼻同咳既好食辣既朋友话因为系天然辣椒辣唔系化工辣所以会受到🤔我就冇研究既但我就觉得辣得黎好想再食啰 同埋夹埋d洋葱萝卜芝士一齐食好夹✨之后朋友既铁板海鲜炒饭就好似一般般啦 因为佢个碗既关系令饭既份量变小(本身谂住系铁板上点知系胶碗...)而且朋友话个味道好普通海鲜味