半島漁港/阿翁火鍋館

营业中

休息中

好耐无试过同屋企人饮茶，呢间酒楼长期排队，咁岩今次walk in有位，就食佢😏家乡炒米粉推荐👍🏻米粉幼细弹牙，炒得几有镬气几香口😋，而且好足料，有虾、叉烧、蛋、椰菜、榨菜、西芹、红萝卜，食落唔油，味道岩好。蒸黄金糕热食口感烟韧，微甜。极品流沙包流沙馅唔够香滑，面包皮都算柔软，普普通通。布拉白肠粉肠粉几滑溜，唔算好薄但食到有少少米香味，加埋豉油、甜酱、豆瓣酱、咸咸甜甜唔错😋红枣糕推荐👍🏻食落有香甜既红枣味，口感烟韧有层次🤤甜度适中。沙爹蒸鱿鱼有好多沙爹汁同蒜粒，非常惹味😋唔会太油，咸味适中，鱿鱼爽口吸味。香芋鸭脚扎芋头好香好粉糯😋，鸭脚同腐皮都几够味，略嫌油左少少。白灼菜心菜心几嫩，爽甜无苦味😋整体来讲，点心质素都ok，个别仲做得几唔错，唔算好油好咸或者太甜，比好多酒楼来讲，相对较为健康。