尚點 小籠包.上海麵館 (元州商場) (已結業)

早前同屋企人去左尚点到食晚饭，叫左5样野食 - 火腿津白、上海粗炒、上海小笼包、蟹粉炒年糕和蟹粉炒饭。屋企人对呢间餐厅都好满意，觉得野食同环境都唔错。我觉得呢间餐厅既野食都好好味，地方都好整洁和宽阔，而且员工服务态度都唔错。我个人就最中意食蟹粉炒年糕，真系用新鲜既蟹整，而且非常多蟹粉，味道十分入味，食完都想再食，屋企人都好中意食。当蟹粉炒饭黎到个阵，系见唔到炒饭。蟹粉布满系炒饭面上，有好多蟹粉可以捞饭食，味道亦好好味，蟹粉味道唔会太淡太咸。 上海小笼包味道都好入味，一咬就有好多汁，而且小笼包皮亦唔太厚。 上海粗炒十分入味，配菜和肉亦好多。 火腿津白都唔错，味道较淡，适合老人家口味。