金曼谷泰國餐廳

营业中

休息中

路过见到呢间泰国嘢平时夜晚都好多人食，所以中午就谂住试吓佢，中午嘅价钱合理，就算系加特饮都系加$3。猪颈肉炒河猪颈肉炒可用一只好特别嘅铁碟装住，几有泰国嘅特色，见佢啲猪颈肉有界开，帮助入味。成个炒河味道普通，唔会话太过特别，同出边普通大排档食炒河嘅味道差唔多，但系又唔会话太过浓味。海南鸡饭海南鸡饭配一个海南鸡汤，鸡有鸡味，仲帮你去晒骨，啖啖肉，加埋酱油同酱汁一流。不过个油饭就普通。我哋除咗两个凡是，我仲OK两杯饮品，一杯椰汁冰，一杯凉粉冰。佢杯椰汁冰有啲似土瓜湾有间好出名嘅椰子汁，甜度恰到好处，又有椰子味，但系凉粉冰就普通，有啲糖水嘅味道。