Beerliner German Bar & Restaurant (已結業)

今日两个人出左沙田买野，见差唔多食饭时间，就食埋先返去。拣左间食德国菜的餐厅，香港少Ｄ地方有得食，比较新鲜，但而家原来开到入黎沙田都有。德国菜出名大份，我地两个人唔食得几多，就要两样最经典的名菜，德国烧猪手同埋香肠拼盘。黎到系两样加埋好大嘅一份咁，好大堆头。烧猪手OK，个皮唔系话太硬，一定要新鲜食辣食，冻左就会又油又硬好难搅。腌得透，又唔过咸，唔错。我地都好中意食肠，所以食亲德国野都好期待个香肠拼盘。就咁睇好似每款肠一条唔系好多，但其实加加埋埋都差Ｄ食唔哂。个人心水系白色果款，但其实有只SPICY的都唔错。作为食肉兽，我地依餐梗系食得好满足啦。不过依Ｄ野都几漏，食一次要等一排先会想再食。