Marco's Oyster Bar & Grill (荃新天地) (已搬遷) 新店位置

今日送小朋友去荃湾上Phonics，指定动作系倍老婆食早餐，见呢间餐厅有人排队紧系要试下！第一个感觉餐厅待应非常勤快又不失礼貌，安排食客入座前会先为客人点餐，绝对高效，抵赞！呢度早餐好丰富，每个餐都有半块多士同埋黑松露炒蛋，本想健康少少试下个菠菜云吞，可惜岩岩卖晒，唯有食返邪恶的沙爹牛肉通粉啦。老婆就点左个大帝先会食嘅Caesar Salad。讲返我个沙爹牛肉，味道应该系用沙茶酱开，近南洋风味，通粉遍长但口感过淋，同我预期有点出入...未知是否刻意效果，疑点利益归于被告，而汤够热成功挽回不少分数，整体可以接受，但配出前一丁始终先系绝配，下次加钱都一定要转。黑松露炒蛋食唔出黑松露味先合理，食得出你先惊！蛋够滑多士够脆无投诉，下次再黎会试埋个菠菜云吞。