影片
更多
2017-06-22
352 浏览
同三个朋友到呢间餐厅聚餐，一入去，地方都几四正，我地谂紧食咩既时候，估计系老板既人走埋黎同我地推介猪手、Ribs、烧春鸡等等主食，最后我地净系就叫左个泰式鸡翼、芝士薯格、猪手同黑松露意大利饭，野饮我就叫左个蝴蝶茶雪糕梳打。因为每人加左$30关系，我地有个鸭胸肉沙拉、汤同牛角包！沙拉唔错，好新鲜，细细碟好开胃！是日餐汤系粟米汤，唔系开鑵头，都好creamy好好饮。需要一赞既系个牛角包真系好好食！外脆内软，又好香牛油味！小食上场，鸡翼都几好食既，不过唔系太大惊喜。个芝士薯格卖相一流，不过痴埋一旧旧，大家分既时候唔系太方便，食落冇想像中咁好食，唔够脆，但又有d干，芝士味可以再浓d。上猪手时，老板非常细心地问左我地驶唔驶影相先，然后帮我地切开，呢间餐厅既老板同员工都好热情，好nice. 咁讲返个猪手啦，可能我本身就麻麻地德国猪手，我觉得块皮可以再脆d, 入面肉可以再淋d，总之呢个主食就冇咩特别。黑松露意大利饭，一来到就闻到好香既松露味，食落都几香浓，仲有好多菇菇，令到个口感好丰富，同时又唔会太「流」，食完再想食，不过上面得2粒带子就好似少左d。最后讲下个蝴蝶茶雪糕梳打啦，杯野卖相好靓，好值得打
因为每人加左$30关系，我地有个鸭胸肉沙拉、汤同牛角包！
沙拉唔错，好新鲜，细细碟好开胃！是日餐汤系粟米汤，唔系开鑵头，都好creamy好好饮。
需要一赞既系个牛角包真系好好食！外脆内软，又好香牛油味！小食上场，鸡翼都几好食既，不过唔系太大惊喜。
个芝士薯格卖相一流，不过痴埋一旧旧，大家分既时候唔系太方便，食落冇想像中咁好食，唔够脆，但又有d干，芝士味可以再浓d。
上猪手时，老板非常细心地问左我地驶唔驶影相先，然后帮我地切开，呢间餐厅既老板同员工都好热情，好nice. 咁讲返个猪手啦，可能我本身就麻麻地德国猪手，我觉得块皮可以再脆d, 入面肉可以再淋d，总之呢个主食就冇咩特别。
黑松露意大利饭，一来到就闻到好香既松露味，食落都几香浓，仲有好多菇菇，令到个口感好丰富，同时又唔会太「流」，食完再想食，不过上面得2粒带子就好似少左d。
最后讲下个蝴蝶茶雪糕梳打啦，杯野卖相好靓，好值得打卡，不过味道就一般，淡淡地，蝴蝶茶同梳打唔太夹，唔系难饮，但都系热饮加蜜糖好味d！
总括而言，我个人就觉得唔系重点既汤同牛角包系最好食！小食同主食唔系唔好食，但未至于食过番寻味，有进步空间。
环境来说，都几舒服既，可能今日闲日个场唔full, 好方便我地大声讲大声笑，系一个唔错既朋友聚会地点。
张贴
