影片
更多
2005-08-13
19 浏览
九龙城泰菜馆有好多间, 但呢间系我唯一一间一年入面帮衬超过廿次既泰菜食店, 好高兴见到openrice 终于开左个page比佢, 我梗系要第一时间drop个message赞下佢啦。我认识呢间野系因为一年前同朋友去小曼谷食饭, 个时夜晚好多人要等位, 突然听到有个阿叔大叫”对面个间仲好食啦, 又唔使等位”, 我听到之后心谂落雨湿湿, 小曼谷又食过咁多次, 不如试下新野啦, 于是就同朋友起呢度食左第一餐饭, 点知食过一次就停唔到, 成日都想去食。呢度既装修比较破旧(其实系冇装修), 不过黎得九龙城食野都唔系为装修啦, 呢度好在d野够新鲜, 而且又好招呼, 唔收加一, 我黎咁多次一定会叫既有:虾饼: 38蚊有8件, 炸得好爽口弹牙, 而且好干身, 食完之后唔会见到一堆油起碟面, 而且食得出虾既份量好多, 唔似其他食店一咪落面粉。烧鸡: 如果冇记错应该系45蚊半只, 我估佢系先将鸡煮熟左, 再拎去烧脆个外皮, 用冰鲜鸡, 但系肉都依然好嫰, 更抵赞既系, 佢冇出现一般食店d鸡厚肉地方唔熟血林林既问题, 点埋个汁好香好好味。辣椒膏炒蚬: 好睇季节, 夏天去食d蚬真系好大只, 有成2吋阔, 个汁好
我认识呢间野系因为一年前同朋友去小曼谷食饭, 个时夜晚好多人要等位, 突然听到有个阿叔大叫”对面个间仲好食啦, 又唔使等位”, 我听到之后心谂落雨湿湿, 小曼谷又食过咁多次, 不如试下新野啦, 于是就同朋友起呢度食左第一餐饭, 点知食过一次就停唔到, 成日都想去食。
呢度既装修比较破旧(其实系冇装修), 不过黎得九龙城食野都唔系为装修啦, 呢度好在d野够新鲜, 而且又好招呼, 唔收加一, 我黎咁多次一定会叫既有:
虾饼: 38蚊有8件, 炸得好爽口弹牙, 而且好干身, 食完之后唔会见到一堆油起碟面, 而且食得出虾既份量好多, 唔似其他食店一咪落面粉。
烧鸡: 如果冇记错应该系45蚊半只, 我估佢系先将鸡煮熟左, 再拎去烧脆个外皮, 用冰鲜鸡, 但系肉都依然好嫰, 更抵赞既系, 佢冇出现一般食店d鸡厚肉地方唔熟血林林既问题, 点埋个汁好香好好味。
辣椒膏炒蚬: 好睇季节, 夏天去食d蚬真系好大只, 有成2吋阔, 个汁好香椰子咪, 小小辣, 捞饭一流, 个人觉得做得比小曼谷更好食。
香草田鸡腿: 好重香料, 连埋一d炸过既唔知咩香叶上碟, 上菜是好劲香味, 田鸡腿细细只, 食下食下好快就冇哂, 唯一唔好既系食完会几口干。
炒金边粉: 强烈推介之作, 30蚊, 上时有生芽菜, 辣粉, 碎花生及炸蒜头碎伴碟, 可以自己选择捞唔捞, 个粉炒得够干身, 甜甜地, 好好食。
芋头焗饭: 呢个又系推介之作, 个焗饭好香, 伴饭既有杂豆, 肉碎, 芋头, 虾, 加埋个薄薄既汁捞饭, 次次都好快清, 唯一要弹既就系芋头唔够粉, 要扣少少分。
腌粉丝沙津: 第一次食之前以为净系得粉丝肉碎, 估唔到系有海鲜的, 有尤鱼, 虾, 青口, 红色虾毛仔, 酸酸地好开胃, 不过都几辣, 唔食得辣既朋友就谂谂先好叫啦。
香茅师奄: 叫之前以为系好似炒蚬咁连壳上, 点知原来佢帮我地去埋壳, 但碟头就一样咁大, 相对之下就抵食好多好多, 师奄肉冇蚬咁大粒, 但就一样好新鲜。
生虾刺身: 30几蚊有8只生虾, 几平, 但d虾真系唔够弹牙, 呢一咪真系起水准之下。
芒果沙冰: 水准时好时坏, 一系太淡一系太甜, 不过我谂系芒果季节性问题?
对未试过既朋友黎讲, 都系一间食得过既食店, 除左装修比较失分之外, 食物质素, 卫生, 招呼都有90分以上, 价钱又比同街既其他食店平, 冇时间去泰国但又想食下正宗泰国野既话, 呢间系一个唔错的选择。
张贴