發記腸粉粥品 (已結業)

喺正楼下开，所以帮衬过几次。慈云山原本冇生滚粥食，真系想食就真系要落鳯德，依家楼下就开，所以食过几次，几满意佢地既食品。粥我自己都试过几次：滑牛，皮蛋瘦肉，猪润，而我最钟意系猪润粥，大大片之余又煮得爽口唔粉(个人口味啦)。𠮶度最贵既鸡粥我未试过，可以揾次试试先。除左粥品，我都试埋唔同款既肠粉-炸两、虾米肠，而且第一次见有叉旦肠，估唔到叉旦除左饭/面，仲可以肠粉都得，味道都唔错。不过有赞当然有弹，唔知系咪人手唔多够，多人帮衬时都有时会漏单，而且有啲乱，叫开鲜虾肠做虾肠，去到既时候落单𠮶个已经问我系鲜虾定虾米，冇几耐又会有人问，r哂头。寄望人手问题可改善。