影片
更多
2024-07-30
4061 浏览
上月假日嚟食过自助午餐，觉得食物选择几多，仲有Movenpick雪糕，所以今次要同朋友庆祝，就book番呢度。唯一唔同系今次平日（星期五）嚟。自助午餐由1200供应到1430，食客可坐到1445/1500（侍应话下午茶自助餐1500入座）。平日嚟，食客较少（假日满座），食物选择亦少啲，不过亦有佢的特色食品。饮品：任饮；有果汁、咖啡、茶、无糖罐装饮料（2款）汤：朋友有饮中、西汤，应该各1款，睇落冇乜特别沙律：自制沙律的食材系例牌果啲，但竟然冇豆类（如红腰豆、鹰咀豆）；我选择落油醋汁，但调味料系原枝倒，一倒出嚟份量就过多；虽然餐厅有巨型木沙律碗俾食客捞沙律，但全程冇人使用；另外亦有2-3款预制沙律凉拌：3-4款，包括凉拌青瓜木耳同麻辣云耳，几惹味，冻食亦适合而家的天气芝士：有3款芝士，几好食，尤其garlic cheese，带咸香，虽然唔系昂贵食材，但都令人满足；可惜系当朋友出去攞芝士时，见到有2只小昆虫（唔讲系乜），佢细细声话俾职员知，职员马上拎入厨房换，但咁样只系眼不见为净，心灵冇被安抚到Cold cut：有只脾挂咗出嚟展示，冇专人切肉，但睇落有啲架势；附近摆咗几碟cold cut热盘
自助午餐由1200供应到1430，食客可坐到1445/1500（侍应话下午茶自助餐1500入座）。平日嚟，食客较少（假日满座），食物选择亦少啲，不过亦有佢的特色食品。
饮品：任饮；有果汁、咖啡、茶、无糖罐装饮料（2款）
汤：朋友有饮中、西汤，应该各1款，睇落冇乜特别
沙律：自制沙律的食材系例牌果啲，但竟然冇豆类（如红腰豆、鹰咀豆）；我选择落油醋汁，但调味料系原枝倒，一倒出嚟份量就过多；虽然餐厅有巨型木沙律碗俾食客捞沙律，但全程冇人使用；另外亦有2-3款预制沙律
凉拌：3-4款，包括凉拌青瓜木耳同麻辣云耳，几惹味，冻食亦适合而家的天气
芝士：有3款芝士，几好食，尤其garlic cheese，带咸香，虽然唔系昂贵食材，但都令人满足；可惜系当朋友出去攞芝士时，见到有2只小昆虫（唔讲系乜），佢细细声话俾职员知，职员马上拎入厨房换，但咁样只系眼不见为净，心灵冇被安抚到
Cold cut：有只脾挂咗出嚟展示，冇专人切肉，但睇落有啲架势；附近摆咗几碟cold cut
热盘：选择可以，唔系多，但乜都有少少，包括即煮粉面、炒菜、炒粉面饭、2款点心、少量烧烤蔬菜等；上次嚟食有印度咖哩，今次就冇，但有一块细size薄饼，而薄饼就较少人问津
甜品：选择唔少；上次食完呢度的自助午餐，最令我念念不忘就系甜品，因为有黑朱古力粒、黑朱古力杏仁、朱古力慕丝蛋糕等；今次除朱古力慕丝cup cake外，其余都见唔到；不过，餐厅有几款唔同口味的cup cake，另外有奶冻之类，最特别系今次有3款限定榴梿甜品：榴梿芝士蛋糕、72%黑朱古力榴梿蛋糕同榴梿蛋挞。蛋糕系原件，要自己切，多少随意。喺呢3款特式甜品中，榴梿芝士蛋糕同榴梿蛋挞最有榴梿味。除此之外，上次食唔到的梳乎厘今次亦有供应，每次出炉会敲钟，全程敲咗2-3次。见坊间食评话梳乎厘系必食，我觉得可以，但未至于必食，可能物以罕为费；另外，甜品仲有豆腐花同Movenpick雪糕，雪糕我最钟食espresso croquant，劲重咖啡味，今次试埋枫糖合桃雪糕，唔好食，枫糖味有少少假，最败笔系合桃系「淋」既，记得唔好浪费quota
生果：3款，蜜瓜唔甜
整体嚟讲，呢度的自助午餐都可以。酒店地理位置佳，喺餐厅坐近窗可以睇下外面（虽然观景只系对住半𡷊的后门/侧门）；座椅舒适度一般，我哋张台唔稳，全程食嘢要就住；侍应有礼，收碟速度几快；自助餐的食物选择可以接受，但食品卫生要多留意。经klook订座$331/位。
张贴
