花月庭 (已結業)

庆祝自己又老一岁，黎左花月庭食自助餐。可能我地早左食，入座时间好快。环境几大同整洁，食物种类都几多。某啲食物仲会有员工即场帮客人处理，例如芝士龙虾、鹅肝多士、鲍鱼等等，不过晚餐时段一开头会比较多人排队所以要等吓。首先想赞下送嘅鲍鱼，口感弹牙、酱汁浓郁，唔怪得要限每人送一只。芝士龙虾、鹅肝多士都十分受欢迎。龙虾嘅酱汁好香，同埋已切一半，好易起到啲肉出黎食。鹅肝多士非常香口，配上多士一流。同场加映拎左嘅青口、印度薄饼、鳗鱼、薯仔同蒸蛋。鳗鱼都好香；而蒸水蛋都好滑，唔系淡茂茂嘅水蛋。因为几好食所以encore左次。另外食左烤牛肉同猪手。烤牛肉有唔同酱汁，神奇系佢无论份量定系味道，我觉得都比排队拎嘅A5和牛好味。猪手都唔错，特别系块皮，不过影相个阵已经俾我食左。生食类食左生蚝同刺身。生蚝虽然细只但唔重金属味，轻口味嘅生蚝爱好者都可以食到。刺身非常新鲜，尤其系肥美嘅三文鱼。试齐了中汤 蕃茄薯仔排骨汤 同埋 西汤 杂菌忌廉汤。中汤还不错，西汤好好味，浓郁蘑菇味但又唔会好涩挞挞。甜品区居然有得自助勺芋圆，当然忍唔住试吓，芋圆食到有蕃薯味，几惊喜。另外拎左几款造型有趣嘅甜品，睇得出都几有心思。仲食左好