理想點 (已結業)

两个人叫左一碟鸡扎、一碟金钱肚、一碟鱼香茄子米，加埋茶位(好似系8蚊)，呢餐每人食左50几蚊。地方唔算大，但都几干净，坐得都算舒服。食物方面，每碟野都即叫即蒸，热辣辣，食点心当然要够热先好食。鸡扎有大大块鱼肚，够腍又吸囇d汁，好好味！金钱肚好入味，但份量唔多，得四五小块，下面都系白萝卜。鱼香茄子米系好香好惹味，但太多油，米粉又好碎。价钱算系中上，唔算好平。其实只要唔开茶，就唔使收茶钱，可以只叫点心，呢样嘢几好。感觉呢间的食物都算唔差，特别系点心，有机会可以再试下其他点心！