顯徑車仔麵 (已結業)

每个星期日都会落街觅食，今次系第一次堂食呢间车仔面。。。。好彩天气唔算热，所以我哋选择咗坐出面。今次我哋一个叫咗车仔面一个试新野👉🏻香煎手打肉饼煎蛋饭。先讲车仔面，卖相好吸引，汤底唔太咸味道适中，午餐肉又香又脆，卤水猪大肠劲入味，瑞士汁鸡翼亦都好入味，鱿鱼就不过不失。奶茶黎讲，呢度算系唔错。好过好多茶餐厅。再嚟香煎手打肉饼煎蛋饭，嚟到未食已经觉得好好食，因为卖相实在太吸引，留心半熟蛋，再加上姜葱，肉饼劲大块，唔好见到以为好咸，就算就咁食都冇问题。不过如果钟意重口味可能会觉得佢有啲淡。总括来讲系可以再encore嘅一间街坊食堂。