悅木 (已結業)

因为同事未试过既关系，我地再黎悦木食Lunch。好彩有人抵得谂，肯过黎揾位先，如果唔系应该有排等。唔该晒我地可爱既同事仔。入到黎，餐厅感觉依然舒适，枱唔会太迫，装修又几靓。望望menu，佢有3个section拣，有一个头盘，一个主菜，再加一杯野饮。头盘我拣左鸡翼，主菜要鸡丝汤河同埋饮咸柠檬雪碧。先黎左鸡翼，味道唔错，好惹味，香矛鸡翼冇失望，鸡翼整得好好，入面好Juicy，一啲都唔干。之后黎既鸡丝汤河，对比起上黎好清淡，但味道都唔错，唯一唔好既系佢啲鸡丝有点"鞋"。质数唔够好，质量再多都系徒劳无功，可惜可惜。最后杯咸柠檬雪碧，个咸柠唔系好够味，但大热天时，胜在够冻。饮完即刻爽晒。话时话，佢呢度啲野食真系唔平，但加返佢既质素同质量，绝对值得黎食。