池記 (已結業)

虽然经过好多次，都未入过去，因为成日好多人，今次见入面好多吉位就试一试。一入去，服务员好好招呼，笑容可掬，我觉得呢样要赞。坐埋位后，服务员首先帮我斟茶，d茶几好饮，唔同一般茶餐厅0既「茶水」，于是我决定唔叫野饮，拎起餐牌，见到一碗面都廿几卅蚊，不如叫个餐又有甜品一举两得，叫左云吞面+红白(即系豆腐花+西米露+红豆沙)=$42。先黎面，云吞0系面底，有4粒，真系只有虾，唔似一般粉面店会加埋猪肉，虾肉几弹牙，云吞皮唔太淋又冇散哂，口感几好，面竟然冇乜枧水味，又爽口。虽然食完个面，都等左超过5分钟都未有人黎执碗又未上红白，刚好饮完杯茶叫人加茶，帮我加茶0既阿姐先识向厨房叫人上甜品，但始终都系冇执我个碗啰~终于红白上台，搅一搅，发觉豆腐花只有面0既薄薄一层(3mm左右厚吧)，西米唔多，红豆沙为主，豆腐花其实几滑，西米就太淋，红豆沙对我黎讲太甜，朋友就话0岩0岩好，可能我食得比较清淡啦~最后埋单时，收银婶婶笑住咁话：「下次再黎试其他野丫~」听到几warm架﹗