瀛素食 (已結業)

成日经过，见佢装修麻麻，谂住实系普通料啦，所以一直都无咩心想去食。呢日经过特然想入去食㖞，咁就叫埋朋友一行４人去，当时晚上８点半，差唔多满座。我地一座低，老细好热情问我地食过未，我地话无，咁佢就介绍胡椒喉头菇咸菜浸云吞同埋日式海鲜比萨，好啦我地就试呢俩个胡椒喉头菇咸菜浸云吞 ($78)白白既汤底，好好饮㖞，用咩做架呢？老细话系厨师既秘方，重有好香既胡椒味，云吞好大只，云吞皮好滑，正呀！果然无介绍错 。香芒带子炒饭 $52饭炒得一粒粒唔会烂，亦唔会肥腻，炒得好香口，不过，我地好辛苦先揾到几粒细细既芒果肉，芒果好贵咩？炒白菜,味道普通日式海鲜比萨 $88唔系老板极力推廌真系唔会系素食馆食比萨，系我来讲食比萨要去 PIZZA HUT 先岩出乎意料之外㖞！好好味呀！批底劲松脆呀！，有车厘茄、冬菇、洋葱、青椒在内，好香脆，我地个个一面食一面赞，老细又系无介绍错啊！腰果糊应该系即磨既，因为我地等左好耐，好香腰果味而又浓浓的糊，好有 heart ！赞！我地大家讲好会再去架！