稻成小館 (已結業)

见到佢哋有得食片皮鸭，就去试一试。如果就咁叫半只片皮鸭，要$208。见到佢哋有个二人餐， $400多啲，个餐入面已经可以拣半只片皮鸭，所以就叫个二人餐啦。个餐入面，除咗半只片皮鸭，仲拣咗四只小笼包同埋一碟奶油津白。个餐会包两碗饭同埋两只高力豆沙做甜品。额外再叫多咗一个咕噜肉同埋抄手。首先服务员态度非常好，有耐性介绍菜式。上菜速度亦都几快。环境不过不失，算系舒服嘅。片皮鸭嘅话，鸭皮鸭肉分开，适合一啲可能只系钟意食皮唔食肉嘅人。鸭皮部份其实鸭香唔重，冇乜油份。鸭肉反而多啲鸭香，亦都唔会好干柴，反而几Juicy. 奶油津白几好味，抄手辣到适中，就算唔食得辣嘅人都应该接受得到。小笼包皮薄多汁。高力豆沙都唔错。松软，又唔会太甜。整体来讲，味道唔错。唔可以话超级好味，应该算中上。坐得又舒服，好过啲平但系一大阵味嘅酒楼。