津味居 (已結業)

呢度系网友介绍，讲真冇人介绍都未必揾到，咁唔起眼一间小店，就算经过亦未必会入去试。见到人地贴既相ｄ食物唔错，上星期六就去试下。由于我一早知道地方唔大，而我地有七个人，我同其中两人就6:45先去，见入面已经坐左十几人（全场唔够三十个位），我觉得坐得比较迫唔太舒适，不过整体上都几干净企理。由于有四个人要7:15-7:30至到，我地就先整ｄ野食住先，分别有麻辣肚丝、青瓜同羊肉饺子。麻辣肚丝同青瓜，麻辣整得颇佳，辣味适中唔算太辣，颇易入口（不过辣皇就可能会觉得唔够劲），肚丝整得好爽，青瓜亦几清甜。因为店员讲左个炉要十五至二十分钟先起到，我就一早叫佢起定，果然7:15人到齐个炉亦刚好搅掂，大家即时可以开始打！我地柯打左一份羊肉火锅套餐，讲真一斤羊肉真系唔少，不过我地有七个人就当然要加码，咁就另加左半斤羊肉同两碟饺子。因为呢度系用黄铜炭锅，唔系GAS炉，炭炉果然强劲好多，整个锅全无冷场。讲番食物，汤底几清甜，但唔及小肥羊惹味，所以一定要点酱汁；羊肉几新鲜（除左近碟底有两三片明显差少少），食落几鲜味，至于丸类、黄牙白同豆腐亦好新鲜，但最好都系饺子。除左火锅，我地仲加左一份三鲜锅贴、一份羊肉馅饼，相比