遊食手打烏冬 (已結業)

同朋友行过呢头, 见到个招牌写著"游食手打乌冬",于是同行既朋友一致决定入去试下佢,入去既时间系4点几,但系都差唔多坐满人,环境都算ok,我几钟意d音乐(佢地播英文歌)为免人多上菜慢既关系我地好快咁点左菜,过左差唔多5分钟就有得食喇,我地一行4人叫左一个白咖哩乌冬,一个年糕乌冬,两个九州蕃茄乌冬同一个黑金乌冬沙律,d乌冬都几弹牙,而两个女仔就好钟意个黑金乌冬沙律,我都觉得唔错,因个卖相好特别,黑乌冬真系第一次见,食落几得意(我只系分到几条黑乌冬>_<),整体上都几满意,侍应既态度亦都唔错,唔会扮傻唔睬人,所以我应该都会再去食!