影片
更多
2024-07-23
11537 浏览
一齐工作左几年嘅同事兼朋友即将离港，三五战友决定食好西同佢farewell。其中一个吃货就推荐左呢间「家嫂」、仲闪电式咁订好位。第一次喺呢间餐厅用餐，并且无 了解过呢间系食咩嘅餐厅嘅我，第一个到达。唔需要等齐人已由侍应带领安排入座一张可以坐8-9人嘅圆枱，侍应一再确认用餐人数，提我袋可以放窗台，并率先同我介绍佢地嘅自助饮品柜、自助酱料区，细心提醒我可以攞住嘢饮先。令我未开始食就已经喺佢地嘅服务上加左分。喺等紧人齐嘅期间，侍应先后两三次同我讲可以食住小食等、可以上住小食俾我先。之后，朋友陆续到齐，𠮶时先知有个唔舒服嚟唔到，同番侍应讲佢地完全无介意，态度非常好👍🏽。后来我先知原来刺身系跟人头数，所以我一坐低就要一再confirm，等佢地准备。饮品方面，佢地嘅饮品柜，除左一般嘅罐装汔水啤酒，仲有餐厅自制嘅特色饮品，我试左佢嘅洛神花百香果西柚茶、鲜菠萝香芒特饮同椰青水。洛神花百香果西柚茶偏淡唔够香，似系沟得太稀。三样里面都系椰青水最正常。另外，一路用餐嘅时候，会有侍应推住红白酒嘅车同你要唔要，所以饮品选择嚟讲都算多。食物方面，餐厅有几款唔同嘅小食提供，其中虾多士同蚬都不错，而且系任添任食，但建
第一次喺呢间餐厅用餐，并且无 了解过呢间系食咩嘅餐厅嘅我，第一个到达。唔需要等齐人已由侍应带领安排入座一张可以坐8-9人嘅圆枱，侍应一再确认用餐人数，提我袋可以放窗台，并率先同我介绍佢地嘅自助饮品柜、自助酱料区，细心提醒我可以攞住嘢饮先。令我未开始食就已经喺佢地嘅服务上加左分。喺等紧人齐嘅期间，侍应先后两三次同我讲可以食住小食等、可以上住小食俾我先。之后，朋友陆续到齐，𠮶时先知有个唔舒服嚟唔到，同番侍应讲佢地完全无介意，态度非常好👍🏽。后来我先知原来刺身系跟人头数，所以我一坐低就要一再confirm，等佢地准备。
饮品方面，佢地嘅饮品柜，除左一般嘅罐装汔水啤酒，仲有餐厅自制嘅特色饮品，我试左佢嘅洛神花百香果西柚茶、鲜菠萝香芒特饮同椰青水。洛神花百香果西柚茶偏淡唔够香，似系沟得太稀。三样里面都系椰青水最正常。另外，一路用餐嘅时候，会有侍应推住红白酒嘅车同你要唔要，所以饮品选择嚟讲都算多。
食物方面，餐厅有几款唔同嘅小食提供，其中虾多士同蚬都不错，而且系任添任食，但建议大家唔好食咁多😂 因为主菜仲精彩。到齐人侍应就会跟人头数上刺身，而5人或以上用餐嘅话就可以有只靓靓嘅刺身船、基本嘅三文鱼、虾、帆立贝、八爪鱼不在话下，仲有海胆同…鱼子酱？虽然我地都唔知个鱼子酱应该点配嚟食，但海胆系好食嘅。
刺身船之后系鸡煲，鸡煲一般，反正唔系主角。
鸡煲之后就系拣汤底打边炉，一次过上晒海鲜拼盘、牛、丸、饺、鱼皮等。海鲜有鲍鱼、沙白、蚬、珊瑚蚌等等。鲍鱼系新鲜仲郁嘅，而且可以添食、绝对系首选。系我第一次打边炉食其他嘢多过食牛，牛就坦白讲好普通，无牛味。
环境方面，枱之间嘅距离好够，无压迫感，舒适。餐厅以宫庭风做主题，有特色。
食完同朋友倾开先知原来呢间嘢算难book位，可能我地约𠮶日系闲日，眼见就未坐爆嘅。由于无时限，如果系三五知己想无压力用餐，呢度都不失为一个好地方，招呼周到、环境舒适、食物水准合格。
张贴