棋吧

营业中

休息中

记得里间无限时，有好多board game玩又有酒饮，坐成晚都系大概$100，所以book返里间玩成晚。叫左个新款意粉，韩式辣卡邦尼， 辣得黎几野味，都唔错，值得一试。跟餐包杯嘢饮，加$6 就有杯 house red，支酒比较young，唔会太涩，好易入口。咁啱有朋友生日，原来友人有买蛋糕上去，一出蛋糕后就有staff出黎放子弹酒杯，喺面前倒Rainbow，一人一杯，我得人多， 好神奇，个Rainbow 可以继续变色，虽然好靓但味道上唔系杯杯好饮（我觉得中间几似橙汁，一头一尾酒精比较浓，红色有d药水味）。坐左5个钟，有d渴，叫多杯嘢饮，试左个梳打茶，拣左桂花味，有清香花味得黎唔会太甜又解渴原来第二杯半价添！估唔到board game柜入面揾到有麻雀打(有埋花)整体黎讲，好抵坐，又有酒饮，rainbow好正！唯一系嘢食款式唔多，同埋厨房比较细，出餐会慢d (建议坐低就落order。